生命誠可貴
k先生，20出頭，大半年前被診斷患上罕有的淋巴癌，是10年來香港的第三宗。非常罕有的疾病，卻是發生在平凡過不平凡的人身上。他不煙不酒，早睡早起，習慣良好，怎麼會得來此病??
好了，既然天命難違，只好欣然面對，公立醫院連做個測試都要排隊排到死，是真的會死的，因為他的病已經去到了第四期，亦即末期，他沒有命等公立醫院，唯有做私家，貴一貴都要做...
測試完畢，ok，做化療，好，12針，一個月一針，支針唔係抽血果d針，係好似人地用黎泵藍球果d咁大碌既針喎，"吉"落去d度，你明唔明??我就唔明啦，因為我真係諗唔到有幾可怕，係"想像到"，但真係無empathy可言，同理不能。諗到呢度....個心都涼左一涼，打完，半死，飛的士返屋企休養，狂嘔，係嘔極都仲有血出果種，總之係勁嘔、勁嘔、勁嘔、勁嘔、勁嘔、勁嘔，嘔極都係血。做化療更加係「生人勿近」，真係唔可以行近d孕婦呀、bb仔度架，因為化療d有毒野會影響到佢地....
做化療，甩頭髮就一定會，隻手仲要係毫無血色果種，接近死人的膚色，聽醫生話如果好得返的話，十年後都應該會"回復原狀"....
話時話，能夠捱得過呢關的機會唔知係幾多，但係有6成人會係治癒後的5年內復發，即是話最多只有4成的病人可以活多5年......但係k先生的情況毫不樂觀，做了8次化療，腫瘤非但無細過，仲大左2mm，醫生話情況毫不樂觀...
ok fine，醫生話，12針無用呀，咁加多4針，加到16針，16針，係人體所能承受的極限，是極限了，沒有，就是沒有，因為癌細胞經已入骨，即使動手術也未必有效。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
你明白嗎??呢個世界真係好唔公平，呢個世界真係好多無奈.....我實在諗唔到有d咩句子可以形容到佢既內心係有幾咁難受、幾咁傷心，同時又必須堅持，只有堅持和忍耐先可以克服呢d痛苦。
你明白嗎??真係好矛盾，既是面臨崩潰的邊緣，但同時又必須堅持。心裏受傷或者可以理解，但肉體痛苦就永遠無法去感受。即使我被蚊叮了一口，你仍是無法"感受"我的痛楚的，只能想像...
你明白嗎??真係好矛盾，一方面極需要別人的安慰與支持，但同時又害怕親人探望時將治療過程裏的痛苦與傷害一次又一次的抽出來...
你明白嗎??我真的害怕死亡，更害怕的是，苦苦爭扎求存，耗盡所有才能換來的死亡，為什麼這個結局不一早給我??要苦苦的折磨才竟換來這些??
你明白嗎??十幾歲既靚妹唔識死走去啪丸唔要命既不如俾左條命我啦，我想要呀!!!!!!!!!!!!!!!!!!!!
到底，死亡是什麼?你明白嗎?我不明白......
到底，生命是什麼?你明白嗎?我不明白......
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
我唔係老作故事，呢個係真人真事，也不是過去的事，而是此時此刻，就在這個城市裏的一個故事。一個寂寂無聞的故事，一個孤獨的抗癌勇士的故事，就在此刻發生。
你問我可以點做?? 係囉，我可以點做??
