其實點解政府要唔俾教院做大學,想佢同中大合併呢?
咁有咩好處?

spend less money?

李國章局長o係2001年仲o係CU做校長果陣已經話要合併教院(兼併？)
2002年李國章做左教統局長，又話要CU同UST合併
佢又試過攪poly同city合併，當然失敗收場

點解佢要提出合併？
李國章解釋過，中大同科大合併係為左資源分配，希望香港出現一間超級大學，傲視東南亞鄰近地區既大學。
張文光就講過呢句：
「大學合併是李國章的夢，他曾說過：先禮後兵，權在我手，我07年便下台，我要看到合併才離開。如今，無論中大科大，城大理大，合併已告夭折，只餘下中大教院的合併，李國章怎會罷休？」

我一路re一路search資料
真係覺得呢個政府好荒謬

引用:

原帖由 碎餅 於 2007-2-8 05:17 PM 發表
李國章局長o係2001年仲o係CU做校長果陣已經話要合併教院(兼併？)
2002年李國章做左教統局長，又話要CU同UST合併
佢又試過攪poly同city合併，當然失敗收場

點解佢要提出合併？
李國章解釋過，中大同科大合 ...

說真的.......唔以感情方面去考慮,以理性去想...的話 (即合併後唔好話邊間食左邊間)
合併真係有得諗嫁我覺得......資源能夠互用,好多野唔洗重覆. 有d data base ,參考既論本,範本數以百萬計.
BU city 咁近,個圖書館共用其實冇問題
如果真的想以香港既大學去同外國既名大學比.

但我都有問題.......教院變左大學,佢照唔批資源,照減佢資源都得嫁,點解都係要合

引用:

原帖由 Franco 於 2007-2-8 07:11 PM 發表
說真的.......唔以感情方面去考慮,以理性去想...的話 (即合併後唔好話邊間食左邊間)
合併真係有得諗嫁我覺得......資源能夠互用,好多野唔洗重覆. 有d data base ,參考既論本,範本數以百萬計.
BU city 咁近,個圖書館共用其實冇問題
如果真的想以香港既大學去同外國既名大學比.

但我都有問題.......教院變左大學,佢照唔批資源,照減佢資源都得嫁,點解都係要合

大學合併當然有一定既好處，起碼資源分配係可以做得更有效率
問題係，如果合併得唔到兩校教職員以至學生既認同，係註定失敗既
我覺得李局長只識用高高在上、大權在手既姿態威脅大學先至係遲遲未能合併既原因
如果佢用呢幾年既時間尋求雙方共識，大學合併唔會係天荒夜談

我覺得李局長係好大喜功，希望任內做d大事出黎，再由歷史證明佢係岩既
其實個問題都係曾特首班子既精英家長式管治方式，往往只會造成矛盾加深
李國章教授係cambridge既醫學博士、前中大校長，曾特首係哈佛大學公共行政碩士
佢地兩個學術成就的確比一般人高，但氣焰更高
(名句之一：「我可以保證局長們能力很多，聽意見是用耳聽，打機是用手去打， 不知是否議員不能兩樣一起做，不過我可以說局長任何時候都可以做到。」)
教統局長....所以真係唔怪得香港教育制度廢..事出必有因

精英家長式管治根本就唔係面對人民
所以你問點解佢堅持要合併嘛..
因為佢覺得要lor，佢係Ph.D黎家嘛，o係佢個Ph裡面覺得要就要架喇
李國章o係中大同李卓敏、馬臨、高錕、金耀基、劉遵義齊名，做左六七年校長嘛
唔駛同我地解釋架，人地係精英丫嘛，咩鬼前中大校長、教統局局長丫嘛
其實就係咁簡單......
所以...港大仲話要退出學聯...真係不知所謂

"港大仲話要退出學聯...真係不知所謂"

唔明............?
可以解釋一下嗎?

引用:

原帖由 Poyi 於 2007-2-8 11:22 PM 發表
"港大仲話要退出學聯...真係不知所謂"

唔明............?
可以解釋一下嗎?

some ref. from sina

(綜合報道)(星島日報報道)特首曾蔭權，早前與專上學生聯會見面引發一場內訌風波。學聯代表會主席陳啟業因要求保密會議內容，惹起部分大學的學生會不滿，更醞釀罷免他。據了解，學聯代表會副主席楊嘉駒上周已提出辭職，成為是次風波的「犧牲品」。另一邊廂，香港大學學生會評議會將召開會議，研究發起公投，決定是否退出學聯。
　　中文大學、理工大學、嶺南大學及樹仁學院的學生會，八月與曾特首會面前發表聲明，指責特首辦要求保密會面內容，中大及理大更杯葛會議。事後引起軒然大波，負責聯絡各學生會代表的陳啟業，被指私下為會面定立先決條件。他雖已就溝通不足而道歉，但仍被中大及理大學生會要求辭職。

　　據悉，陳啟業暫無意引咎辭職，但代表會副主席兼常務委員會主席楊嘉駒，上周去信各學聯代表，表示自特首會面一事後，自己今後難再協調各院校的關係，以及確保學聯發揮其應有作用，故提出辭去所有職務。

　　楊嘉駒接受本報查詢時承認提出請辭，仍須待本月底代表會召開會議通過。他坦言，學聯內部存在分歧，但請辭主要是「私人理由」，「剛在理大畢業後，除應付日間工作外，晚上亦在科大修讀碩士，難以分配時間兼顧學聯工作。」

　　另一邊廂，四名港大學生會前幹事，上周聯署向現任學生會反映學聯帳目紊亂，學聯財務委員會不但沒有詳細交代財政報告，財政大權更落入前學聯秘書長盧偉明手中。據悉，港大學生會評議會已要求學聯就有關指控作出解釋，並將於兩周內召開會議，討論發起公投，決定是否退出學聯。

　　有份聯署的前港大學生會外務副主席謝智衡指出，加入學聯的大專院校，每名學生須繳付六元年費，故學聯每年平均收入逾三十萬元，每年支出卻達八十萬元，高峰期更高達一百萬元。

引用:

原帖由 碎餅 於 2007-2-8 09:18 PM 發表


大學合併當然有一定既好處，起碼資源分配係可以做得更有效率
問題係，如果合併得唔到兩校教職員以至學生既認同，係註定失敗既
我覺得李局長只識用高高在上、大權在手既姿態威脅大學先至係遲遲未能合併既原 ...

其實我覺得合併最大阻力係....會唔會有人失業同最後個名既問題!!!!
其實如果尋求到雙方共識應該可以解決,但民主總比純行政來得慢,不能立干見影..
個人認為政府係咁想學外國既教學方法,但同時英美,亦說東方既死記硬背及超級不斷地重覆做同一樣野,可以係某些方面得到比佢地更好既成就.eg .maths
其實我地係咪一定要學西方的呢???     現在呢一代人,咪又係,係舊制度下死記硬背咁讀出來....曾生係呢個舊制度下,去到哈佛大學都拎9A 啦,咁點可以好似現在咁全面否定呢?
香港教育制度個人表面睇出既問題係.....東不成西不就.

精英家長式管治
抄singapore ma ! 強政勵治不是正是抄他們嗎???
精英家長式管治,要看看領導者有冇咁既能力......

喂,有冇人答下呢個問題
.教院變左大學,佢照唔批資源,照減佢資源都得嫁,點解都係要合

但合併左後，教育學院只會係佢地其中一d科..
我冇記錯浸大一d科係讀4年的，但佢最後果年係讀教育
你覺得用4年讀教育定係用1年讀好D?