這 一 陣 子 ， 娛 樂 版 最 熱 話 題 — — 整 容 。
女 明 星 私 下 整 容 ， 公 開 承 認 ， 甚 至 擔 當 整 容 代 言 人 ， 這 股 風 潮 席 捲 娛 樂 圈 ， 也 捲 到 普 通 少 女 堆 中 。
如 今 ， 對 很 多 少 女 來 說 ， 整 容 已 不 是 大 不 了 的 一 回 事 ， 化 妝 為 貪 靚 ， 整 容 也 為 貪 靚 ， 眼 、 耳 、 口 、 鼻 全 部 可 以 再 執 ， 只 求 從 此 脫 離 醜 妹 行 列 。
整 容 不 單 是 改 變 樣 貌 ， 她 們 還 認 為 可 改 變 自 己 一 生 命 運 ， 在 整 容 講 座 中 ， 幾 百 個 妹 人 頭 湧 湧 心 急 如 焚 ， 恨 不 得 立 即 跳 入 手 術 室 ， 變 身 美 少 女 。
當 中 最 細 的 ， 只 有 十 六 歲 ！
case 1:
18 歲 ︰ Mavish 城 大 酒 店 管 理 系 學 生 整 容 目 的 ： 多 人 溝
Mavish 下 定 決 心 整 容 ， 義 無 反 顧 ， 一 心 一 意 等 待 變 靚 。
「 我 對 眼 超 細 、 臉 又 肥 、 鼻 又 扁 。 中 學 時 有 個 男 仔 串 我 ： 『 乜 你 對 眼 咁 細 ， 究 竟 你睇 唔 睇 到 ？ 』 我 聽 完 之 後 ， 衝 入 女 廁 喪 喊 。 喊 完 出 來 ， 以 為 會 有 人 可 憐 我 ， 點 知 因為 眼 太 細 ， 喊 完 都 冇 人 睇 得 出 ！ 」 Mavish 恨 恨 地 說 ， 活 了 十 八 年 ， 模 樣 是 她 一 生最 大 煩 惱 。
她 說 靚 女 喊 完 會 有 人 呵 ， 還 可 以 讚 美 是 梨 花 帶 淚 ， 而 醜 人 喊 完 就 被 人 話 豬 ， 連 自 己 都 不 同 情 自 己 。
「 靚 女 真 係 好 ， 連 喊 都 喊 得 靚 、 出 街 仆 親 成 排 人 扶 你 、 食 飯 永 遠 有 人 幫 你 俾 錢 、 連做 錯 都 好 似 奉 旨 。 總 之 乜 都 好 。 尤 其 靚 女 一 定 多 仔 溝 … … 」 Mavish 一 口 氣 數 出 做靚 女 的 千 百 樣 好 處 ， 說 自 己 不 過 在 臉 上 割 幾 刀 ， 就 可 以 過 上 這 樣 的 生 活 。
注 定 冇 桃 花
「 上 個 月 我 去 睇 相 ， 相 士 話 我 個 相 注 定 冇 桃 花 。 唉 ！ 其 實 佢 咪 轉 個 彎 話 我 醜 ， 又 真 係 事 實 ， 唔 怪 得 我 十 八 歲 都 未 拍 過 拖 ！ 」
她 曾 經 哭 問 阿 爸 阿 媽 ， 為 何 生 成 如 此 模 樣 ？ 父 母 大 罵 她 黐 線 ， 她 卻 認 為 父 母 完 全 不明 白 ， 這 個 世 界 好 現 實 ， 靚 人 永 遠 有 數 。 「 你 睇 徐 子 淇 ， 嫁 入 豪 門 日 日 上 娛 樂 版 頭條 ， 就 係 因 為 靚 之 嘛 ， 依 家 一 世 無 憂 ， 連 佢 父 母 都 變 成 上 等 有 錢 人 。 靠 乜 呀 ？ 就 係靠 靚 ！ 靚 ！ 靚 ！
「 我 細 個 試 過 肥 到 一 百 四 十 磅 ， 俾 人 笑 話 我 似 欣 宜 。 中 四 開 始 ， 我 就 去 做 兼 職 搵 錢減 肥 ， 當 時 我 寵 物 店 做 sales ， 每 個 月 五 千 蚊 收 入 ， 儲 五 個 月 ， 然 後 全 部 用 去 美 容院 纖 體 和 買 減 肥 藥 。 」
當 時 認 為 肥 累 事 ， 於 是 咬 實 牙 關 ， 日 日 食 一 餐 ， 食 減 肥 藥 又 搞 到 手 震 唔 ， 到 最 後 成 功 減 去 三 十 磅 。
case 2:
16 歲 ︰ Sanni 屯 門 中 四 學 生 整 容 目 的 ︰ 做 超 模 ！
十 六 歲 ， 讀 中 四 ， 做 model 是 她 的 夢 想 ， 決 定 整 容 。
在 Sanni 記 憶 中 ， 最 記 得 是 她 剛 升 讀 中 二 ， 學 校 舉 行 open day ， 她 在 b+ab 買 了 條 連 身 裙 ， 從 學 校 一 樓 步 落 操 場 ， 一 班 男 同 學 在 樓 梯 口 由 下 而 上 仰 望 她 ， 個 個 滿 臉 貪 婪 ， 她 感 到 自 己 行 catwalk 的 飄 飄 然 感 覺 ， 但 一 下 樓 梯 看 清 正 面 後 ， 男 同 學 一 哄 而 散 ， 她 的 心 隨 即 冰 冷 至 極 點 。
「 我 覺 得 自 己 天 生 做 model ， 不 過 唔 好 誤 會 ， 我 唔 係 要 做 香 港 model ， 你 有 冇 睇 《 America''s Next Top Model 》 呀 ？ 我 係 要 做 CariDee （ 最 新 一 季 勝 出 者 ） 超 模 呀 ！ 」 拿 一 本 美 國 雜 誌 的 Sanni 認 為 ， 自 己 一 切 俱 備 ， 就 欠 個 靚 樣 。
阿 媽 簽 同 意 書
雖 然 只 得 五 呎 三 吋 ， 但 她 認 為 自 己 還 有 得 高 。 在 家 她 也 經 常 練 習 穿 四 吋 高 鞋 ， 在 廳 中 來 來 去 去 扮 model 行 catwalk 。 她 又 說 自 己 特 別 有 taste ， 近 期 興 bob 頭 鬈 髮 ， 她 便 早 在 聖 誕 前 電 過 了 ， 所 有 潮 流 化 妝 都 追 得 很 貼 ， 她 還 指 自 己 一 雙 「 大 眼 睛 con （ 隱 形 眼 鏡 ） 」 說 ： 「 我 明 星 之 前 就 買 ， 日 日 帶 返 學 。
「 最 衰 個 樣 唔 夠 靚 ， 個 鼻 冇 鼻 樑 ， 搞 到 無 立 體 感 ， 個 面 太 闊 … … 」
所 以 Sanni 決 定 整 容 ： 「 其 實 好 多 外 國 model 都 整 過 容 ， 佢 都 唔 覺 得 有 問 題 ， 只 不 過 死 口 唔 認 ！ 以 前 我 想 整 都 未 下 決 心 ， 依 家 見 個 個 明 星 都 整 ， 女 仔 化 妝 為 貪 靚 ， 整 容 都 係 貪 靚 ， 冇 分 別 ！ 」
Sanni 只 得 十 六 歲 、 還 未 發 育 完 成 就 想 整 容 ， 她 家 人 不 但 沒 反 對 ， 任 職 酒 樓 侍 應 的 媽 媽 還 舉 腳 贊 成 。
她 說 爸 爸 長 期 在 大 陸 、 媽 媽 在 酒 樓 捱 了 很 多 年 ， 受 了 很 多 氣 和 苦 ， 明 白 女 人 如 果 生 得 靚 ， 命 運 完 全 是 兩 回 事 ， 所 以 她 也 希 望 女 兒 靚 ， 不 要 行 醜 女 人 要 走 的 辛 苦 路 。
Sanni 媽 媽 說 ： 「 佢 整 完 容 可 能 會 紅 ， 以 後 唔 使 住 屋 ， 我 又 可 以 做 星 媽 ， 到 時 我 兩母 女 都 唔 使 捱 。 我 一 直 叫 佢 夠 歲 數 就 參 加 港 姐 ， 佢 話 港 姐 好 cheap ， 做 modelhigh 好 多 ！ 」 得 到 母 親 支 持 ， 令 她 很 感 動 。
上 星 期 五 放 學 後 ， Sanni 從 屯 門 住 所 去 到 尖 沙 咀 整 容 診 所 ， 接 受 注 射 瘦 臉 及 隆 鼻 手 術 。
手 術 完 畢 ， Sanni 風 一 樣 由 手 術 室 衝 出 來 ， 她 用 棉 花 按 兩 邊 臉 頰 ， 眼 睛 通 紅 地 大 聲 說 ： 「 好 痛 呀 ！ 」 雖 然 淚 痕 未 乾 ， 但 卻 嘴 一 咧 馬 上 笑 了 起 來 。
旁 邊 的 姑 娘 掩 半 邊 嘴 笑 ， Sanni 卻 邊 行 邊 問 記 者 ： 「 你 本 雜 誌 請 唔 請 model ？ 」
=================================================================
大家贊唔贊成整容呀? 你接唔接受到你既另一半係整容??
