碎餅投資手記 - 20080906

恆指跌破二萬點大關，有朋友問我應該幾時入貨..
其實香港人好得意..見個市跌，就諗住升完就跌，跌完就升
你咁講，我唔可以話你錯，但如果係咁，邊駛咁多人讀finance
見個市跌咪入lor..right？大戶往往就o係呢d時候搵大錢

其實投資唔係買大細..買大細都係開幾次大之後就會開細
(理論上大同細既機率係接近五十五十)
真正理財既方式唔係單靠二百五十天平圴線、布歷加通道等等指標...
而係真係要分析一下你投資緊既產品係咩野

首先講香港...港市未來走勢如何，我真係無咩興趣研究
直通車塞車，大陸水浸，資金外流受制，香港受到既係小恩小慧
難道全世界五大洲七大洋、二百幾個國家既發展潛力都及不上香港？
如果諗住趁低吸納，我諗上證指數既「低度」比香港更甚

至於大陸嘛...比較複雜
自己踏足過北京、上海、浙江杭州、江蘇南京、內蒙古包頭、廣東汕頭等地
北京既發展係唔錯，但內需方面既工業唔係佢既強項
好多人以為內、外蒙古好有potential，但我就唔係咁睇
果然，蒙古能源(0276)岩岩開左個deep-v
(當然..仲要拜大行所賜)
講真..蒙古經歷左千幾年既發展，都仲係草原蠻地，羊仲多過人
佢既潛力係好大，但蒙古有無足夠既資金、技術開發？
據報陳振聰o係0276上面蝕左過億
試問佢對蒙古了解有幾深？

反而浙江係一個唔錯既商機
有心投資既朋友，我建議你地投資杭州、寧波等地既相關工業
義烏都係一個唔錯既選擇，但風險相對較高
呢d地方既配套比較完善，潛力亦高，勞動力同技術都有好大support
比起單約識投資中人壽、中石化既人黎講，你地既回報會可觀好多
但最短投資期需要五至八年，因為短期內國內資金只會嘗試向外流
(我個人計劃投資期係12年)
但用平均成本法分階段入貨可以令成本、風險減到最低

至於東南亞地區...
一個受過九年教育既人，都唔會輕易投資呢d地區
當然都有例外既，例如上面提及中國，就係一個不可多得既潛力市場
其他既market例如印度、越南呢d，係人都up得出
呢d地方既資產係可以手持一世既 (語出自商品大王羅傑斯)
但如果短炒，肯定死傷枕藉
建議投資期以五年為下限

講左咁耐,,有邊d市場唔駛投資咁耐？
拉丁美洲是也~
下回再談。

(因為整理緊旅行相^^)