|
超級版主
|
6#
大 中
小 發表於 2008-5-20 05:30 PM 只看該作者
反 LB 日 記
http://hk.myblog.yahoo.com/PKLB-DCHL
被 騙 經 過 真 人 真 事
講下我自己對金錢的睇法, 我本人係個唔會先洗未來錢和隨便LOOK卡既人( 次次還足卡數), 自比至親洗腦後就360度轉變了, 分別向3間財務公司借錢, 同用信用卡透支左幾K做既所謂生意. 如果你們有緣睇完我既故事, 覺得我真係太傻, 太天真, 請張佢傳比人知.........好人有好報呀 , 我都把醜事寫成故事, 你們都盡一點綿力可以嗎
事發經過:
當日星期六放半日, 上車前有個有來電顯示電話找我但唔知邊位, 原來係一個好久好久冇搵過我既親戚x先生. 依家點呀有冇工做, 想唔想轉換下環境, x先生就話做緊空氣市場既工作, 佢就約左我下星期五係銅鑼灣SOGO門口等( 我心諗親戚唔會呃我掛所以應左約)......惡夢就由果日開始左 .
死亡赴約:
當日星期五大約上午11點左右, x先生打比我我都特登唔聽, 過一陣再打比我就心軟聽左, 今日約左你記唔記得, 我話都係唔出離啦, 因為下午3點半要返工同依家下緊雨, 你唔係化同你約晒人先話唔出離( 加強語氣), 親戚都信唔過, 講完後, 一陣見啦( 好無奈講一陣見).
當我到達後一陣, 係銅鑼灣SOGO門口就見x先生穿著西裝叫我( 未見過佢咁著). 之後就同佢上公司, 入去要我show id卡, 一路行一路有人同佢打招呼( 原來佢既上線一早安排定, 當昆到水魚就要咁做), 坐低後就有位小姐同我講解這門生意, 佢就不斷點頭附和, 又搵一位同我職業相同既人, 點解唔做之前工, 依家又搵幾十萬一個月. 講完一輪後, 去廁所都跟到實, 之後同我四圍參觀介紹d 物爵物爵我識. 差不多下午3點, 我要返工唔係遲啦, 佢話有個課程好正要1xx( 其實係超級洗腦班), 如果有d 對這門生意唔明白就要聽, 睇下果日我原來要返工唔聽啦, 你果日請病假我比返果日人工你, 我話唔洗 , 接著佢話同我出1xx好唔好( 拋磚引玉)???不過你要去聽呀, 唔好意思答應左. 之後仲同我去搭mtr直至到我公司既站.
上洗腦班:
上洗腦堂當日, 果日真係請左病假 . 下午上完堂後( 主要內容係洗腦, 教你開大單約6萬幾, 加快踏上成功之路<加速死亡就真>). 食完午餐約2點回公司開事後會, 成班人圍住你洗腦, 課程明唔明白, 不斷叫你唔好係5千起步( 第一級), 唔化算要係5千幾+ 6萬幾做起最好( 第二級). 其間不斷有人教唆我去財務借錢開大單, 因為我冇咁多錢, 來來回回搵人同我講左56粒鍾, 晚飯都唔比去食. 到約晚上11點左右( 中招轉捩點), 有過x先生既旁線同我講, 你係咪親戚都信唔過先, 而佢又聲淚俱下( 男兒淚都出埋)講要信佢, 果時一來太辛苦, 又雖心軟又肚餓又想返屋企咪入左局, 所以咪應承左班人渣去財仔借錢.
夢醒覺悟(完):
上洗腦堂之後一日, 真係朝早同班人渣分別去3間財務借錢, 其間都諗過都係唔借, 但一時心軟下又比他們講服( 果時我真係當局者迷, 入晒局). 回到洗腦總部後, 羅借果6萬幾 +look左幾千蚊卡出左張大單. 不出一小時, 我已經想全身而退9折退貨就9折, 同親戚x先生講我唔會做死都唔會做, 冇親戚做就冇啦, 講左成幾粒鐘. 接著, 起初果位小姐就有一提意, 張大單轉名比x先生, 你咪唔洗蝕錢, 佢承諾分四期比錢我, 去律師樓轉名. 比完一期之後, 連我電話都冇膽去聽, 仲要我比返第一期15000蚊佢, 唔係就唔比返張大單我, 所以我就搵人羅15000蚊比佢( 錢係信封, 唔開唔知物), 過了一日我問佢有冇比低野我, 任何野都冇( 從此親戚x先生就在我生命中永久消失).
最後, 我要忠告大家傳銷騙案通常係咁發生, 如果一個好耐好耐冇搵你既人( 會問定你依家做咩, 因為佢地會搵定個職業同你相同既人打擊你, 講到你一文不值), 突然間神神秘祕約你出離, 又話有工作介紹你, 果時就要小心, 因為隨時比人拉左去傳銷公司進行洗腦.
|
