睇見車仔場波直播, 真係不吐不快

單以上半場表現, 絕對配唔起叫big 其中一隊

主場出擊竟然只能同wigan 踢成55波...

雖然係出副選, 但副選既質素點都高wigan一班啦.....

整個上半場既表現, 我只覺得佢地冇左以往果種超強既爭勝心....

都可以見到冇杜奧巴同林8既影響....

整隊波各自為戰/ 單以個人突破去踢...

我仲以為半夜起身唔清醒既情況下

發夢睇緊英超既中下游悶戰

到2nd half, 以為格蘭知驚識死..
換番joe cole出黎

果然, 佢一出黎即刻不停衝擊wigan 後防...
不論個人突破, 串連都好有威脅

佢仲不停咁激勵d隊友...

講真, 2nd half 只係睇左一陣...都覺得成隊車仔只得佢有果種爭勝心...

之後一連串攻勢甚至入波都係佢既功勞

好可惜...
1:0之後.. 車仔好似心繫過2日 對愛華 果場...
踢起黎不思進取

唉, 再睇番格蘭擺既後備陣容, 完全唔知佢想攻定守

後備多攻擊球員, 但踢法上又唔進取
冇後防, 想守果陣又進退失據

結果就係extra time 出事...




大佬, 你而家爭標關頭呀, 學咩人玩留力呀...
你head 緊都仲有得講
但你家陣behind 曼聯6分
你咪應該羸左sin 講
球員唔會唔明白, 為左champion, 佢地都會不惜疲累去爭取一切ga

一句到尾...  格蘭你咁帶隊車仔.  點攪呀

好懷念moreno......
雖則我唔係車迷
但佢帶俾英超既衝擊同球迷既驚喜, 真係冇人能及