上個禮拜六係旺角centre 補英皇個Raymond Kwok
開始上堂冇耐有個女仔遲到走入黎 < 今次既女主角
一坐低就見佢問人借notes 抄返之前D 野...

冇耐raymond 問問題叫人舉手係岩定錯
剩返抄緊notes 個女仔同另一個男仔冇舉
raymond 就叫左可個女仔答

但係個女仔果時重抄緊notes，所以冇理佢
繼續dum 低頭抄notes，一邊叫佢繼續講書...

但raymond 好堅持！堅持要佢答左先

對話內容︰
(R) Raymond, (女) 女, (F) raymond 女fans
R︰等緊你，快d答啦 !
女︰唔駛理我啦！你講啦！
R︰宜家成班等緊你呀！
女︰你宜家o徒緊我d時間呀！
R︰你宜家係o徒緊同學的時間！
女︰你宜家係o徒緊我同同學的時間！
R︰你唔舉手，姐係你識啦，你都勁喎！遲到你都識！
女︰.......
拉鋸一輪後，raymond 就叫另一個冇舉手既人答喇

再過陣一陣，raymond就同可個女仔講︰
你可唔可以坐去後面呀，你唔好對住我啦！成件豬扒對住我！
我覺得好嘔心呀！(呀女同學個位係對住佢，對到正一正，重要第一行！)

女︰你咁樣係身人攻擊喎！我可以錄音拎去差館的！
R︰你錄呀！你錄呀！我係叫你豬扒呀！豬扒！哩度係唔比錄音的！拉番你轉頭呀！
女︰宜家係你叫我錄，咁姐係你批准左我錄啦！  
R︰......

呢個時候有另一個女仔，我諗係raymond 忠實fans
走出黎望住女同學同raymond 講說話啦！
F︰你收聲啦！你收左聲，咁佢咪教到書囉！
女 反駁話喇︰宜家係佢不斷攻擊我先的！
R︰我宜家比錢你走！你比幾錢架！
女︰你唔可以叫我走既喎！我比左錢黎補習！
R︰你講你比幾錢的！我比番你！(佢嚮銀包度拎左一張五百蚊出黎，又放番入去....!!)
女︰重有車錢呢！
R︰係咪咁串呀！係咪咁串！
女︰......
R︰你宜家走！快d走呀！我唔想見到你呀！
女︰......

之後raymond 走左出去，過左都差不多有五分鐘咁耐.... (阻住曬我上堂)  
d 人係到你眼望我眼咁坐左嚮度

五分鐘之後raymond 行番入黎，後面跟住收飛仔果個阿姐...
果個阿姐同個女同學講︰唔該你跟我出一出黎呀...
女(笑笑口咁)︰好呀！
R︰你拎埋d野走啦！我諗你都唔會再番入黎ga啦！
女同學跟左阿姐走左喇...

raymond 其後上上下堂都會同我地講︰
"正八婆！我真係未見過d咁冇禮貌的學生的！我好Q憎佢！正垃圾廢物！"
"拿！我份人係咁ga啦！好似條蛇咁，你唔搞我咩，我唔會搞你；但係你搞我咩！我就實咬到你死為止呀下！"

===================================================================
再次強調!!! 以上內未經證實

因見到有別的討論區對這帖子有較為激烈的討論,所以引用過來,給大家看看。

認為女的不對,主要原因是因為她說: 唔駛理我啦！你講啦！

認為ray 不對的主要是說,因為他罵那個女仔係豬排,為人師表太沒禮貎。

大家點睇?

我覺得.....
ray 不對。

•佢為人師表，就應該有教無類，應該預左有 d 咁既學生.....
•點可以當面話學生既不是.....
•就商業黎講，學生俾錢出黎，學生先係老細.....你會唔會俾錢叫你老細走.....
﹝佢黎得英皇補，其實都應該係有錢，都未必會希罕果五百蚊....﹞
•舉唔舉手都係一個形式，好多學生都係羊群心態，人舉佢又舉，所以唔洗太介意女主角有冇舉、識唔識，因為在場可能有好多人其實係唔識既....
•所以唔應該因為一堅己見，而影響其他"老細"
•佢呢個做法好影響佢聲譽，話晒佢都係補習明星.....
•"老師"應該係擁有較高既品德....."死八婆"、"正垃圾廢物"唔應該出自佢口中


我唔係話果女仔冇錯，佢錯左無禮貌 + 唔識尊師重道 je~

ray 唔岩la...

遲到顧住抄notes 好正常ja...
明知人地唔識重為難人...

補習天皇provide service 架wor...
"咁o既服務態度..."
知唔知佢做左幾多年架...?

lee個故事係提醒人, 一有咩事即刻靜雞雞錄音, 再放上網, 有片睇, 開心好多...

叫ray收皮啦...
一d都唔尊重女性...

我會覺得個女仔好有問題
佢入得呢個課室
講台上面果個就係佢老師
老師要學生答問題
學生唔答，仲要對老師惡言相向
我覺得係身分既問題
如果唔尊重呢個老師，你就唔好入呢個課室

而且好明顯地ray既對話經過處理..(可從文章斜度而略知一二)
正常人會唔會無啦啦話人豬扒，又自言自語話「我好Q憎佢」？
簡直係不學無術既中學生手筆之下既作品
我唔係話做補習老師一定係站在道德高地
但呢篇描述有點兒失真呢

先係學生遲到，一錯，
唔尊重教師，再錯！
明知自己要抄野，仲要坐頭排，一路上堂一路抄，再錯！
繼而到返教師錯，大可以禮貌請佢去第二個位，又錯！
唔尊重女性及學生，都錯。

不過，我會相信其他討論區絕大多數既人都會幫個女學生講好說話，而唔會幫Raymond講好說話！
而且，其他討論區既人更一定會呼籲所有人唔補佢，甚至唔補英皇。
到最後，搞到大家認同錯既係Raymond，唔係女學生。

啲人太過份了,好似唯恐天下不亂咁law!!駛唔駛咁都擺出來ar?!無聊
仲有不少針對Raymond Kwok ge人士,我想問下你地有冇罵過人呢?相信你地實有ga la,咁你又有乜資格話人呢?講足咁多難聽ge 話,請自我檢討下la,你地係冇資格話人的。仲有你地有補過Raymond Kwok 咩?你們又點知 Raymond 教得唔好,係衰人,又冇料呢?
你們又點知那女學生是真正的受害者呢?我一向都有補佢,我覺得佢真係教得好好,佢好俾心機教我們,是位好老師,講啲 gag 又不是如你們說的般爛,你咁勁ge話又唔講?請你們自我尊重，
你們太膚淺了,請勿以偏概全,可恥的不是Raymond 或那女學生,而是你們。這件事無疑兩位都有不對的地方,但你們都是局外人,評論lee件事時請三思,站在對方ge角度諗下,唔好做一些不分青紅皁白ge人。

一句講哂，大家都無下台階o者


不過個人觀感，我對呢d所謂補習名師毫無好感
個女仔唔尊師重道？呢d係老師黎架咩，收你錢，一盤生意咋，客仔而已