男女分層既尿兜問題, 宿舍組D人話會搵野"com"住既喎....
真係當睇唔到就當冇......
十級無奈......
所以我諗住真係咁不幸既話, 寧願行多層樓梯用返女厠
但我最在意既係cctv, 雖說poly 都有,
但係poly 既情況同樹仁 唔同
poly 房內有雪櫃, 而且兩間房共用一個toliet,
兩間房相通, 就算你得閒想搵人玩亦都唔一定需要出房搵人
絕對可以足不出"房"
所以對poly 人黎講, cctv問題一D都唔大
同樣地, cctv對樹仁21~26/F既住客而都唔會有太大既影響
因為走廊對佢地黎講只係離開自己間屋落街既"通道" ,cctv 有利無害
但係樹仁hall 既學生樓層, pantry & toilet 都係共用的
大家經常都要響走廊出出入入, 有如成層都係自己屋企咁
試想像你響屋企, 一行出自己間房就有部cctv 對住你,
去搵fd 玩, 行去pantry 搵野食, 甚至行去沖涼都有人睇住, 你會有咩感受?
唔好話cctv 冇人睇, 只係咁多鏡頭"未必"睇到影住你果個啫
佢個mon 係連到地下既reception , 唔只保安, 任何經過reception 既人都可以好清楚咁睇到你既一舉一動!
雖說cctv 係裝響common area, 但平時你見到既都係你識得既人, 而且你可以望到有咩人見到你
但大家響hall 都著得比較casual, 不少人都係著背心短褲通 hall 走。
但有左cctv, 你早上披頭散髮, 烏下烏下既怪相分分鐘會俾一個三唔識七既人睇哂!
保安方面, 據我所知樹仁既失竊事件99.99% 都係唔見食物or 食具
但係點解pantry 係冇 cctv 既呢?
因為cctv 既質素係睇唔清你拎住D咩架!
除非你俾人偷既野巨形兼形狀奇特,
不然叮叮點心, 飯煲爐具, 個個都差唔多樣, 根本唔可以透過cctv認出人地拎左你既野!!!
hall 左閉門失竊事件少之又少, 為左咁而裝cctv, 簡直擾民
