引用:
原帖由 georgechong 於 2007-8-1 10:09 AM 發表 
對於宿舍的新制度~
我覺得問題不大~
有助改變宿舍不良風氣~
只是欠缺咨詢~
當然還是有可改善的地方~
有些地方還是可以盡量給予宿生自由~
這是一所大學宿舍~
不是一個付了錢就可以隨便做什麼的酒店~
還是一句~
不要濫用"自由"
至於選科問題~
我個人是同意信內的提意的~
相信會陸續改善~
我琴日出左email俾osa，內容係對hall既新arrangement既一d意見
部份係認同既，但對CCTV system提出左質疑
無錯，自由係唔可以濫用既
如果濫用自由，就係將自己既權益凌駕o係道德、價值或者人地既權利之上
但係o係一個自由開放既社會，一個人基本既合理權益係應該得到保障既
所以反對新制度唔可以解讀成為「濫用自由」或者「為所欲為」
CCTV system無可避免會引起個人私隱既問題
呢個爭論，我大可用洋洋數萬字黎說服各位
但，用一個好簡單既例子講一講
如果一間屋前面有個閉路對正你門口，日日影住你幾點出門，點點返黎
幾點6杯面，幾點洗衫，今日帶LV定係giordano
而且果部電視唔係放o係你間房俾你睇住做保安用途
而係放o係control room廿四小時監視
你會唔會住？住得開唔開心？
我唔敢講呢個世界每一個人都會對呢個system感到negative
但我起碼好sure自己唔會鐘意
而我作為來年既宿生，提出反對意見，呢個權利應該得到保障
hall有hall既價值，唔係俾人用黎嫖賭飲吹
用一d方法去維護hall既意義，無論在校方定係學生立場都係好事
但如果個方法用錯左，令到個hall變得唔受學生歡迎
咁..hall始終係人住既，開一個住得唔開心既hall都無意思
大學係成年人既地方，唔應該assume佢地對「住得開心」解讀為「為所欲為」
或者咁講，果個「欲」，唔一定係負面既「欲」
