多謝學生會既人主動去為我地同學去爭取飯堂既福利
其實都聽左兩年話想要求飯堂好d
聽好多理由，好多人講
但係都無人做野
不過而家見到學生會主動去做d野
唔理最後係得定唔得啦
不過都好多謝學生會
我都即刻去做左
不過份問題我都有少少意見想反映下
好似佢話對「學校飯堂」既調查
可能我一直都係叫新cant 舊cant
所以即刻confuse，你講邊間呢
另外有d答案都好似有引導性
好似第十條咁就有六個choice
「親切有禮」、「主動」、「殷勤」、「粗聲粗氣」、「無禮」、「不耐煩」咁
我既感覺係佢好似迫左我去答呢兩方向既野
如果我話無意見，或者呢六樣都唔係
咁我可以點choose
另外我睇到問題話可以choose兩個
但係我揀黎揀去都係得一個
到第十一條話如果第十條choose其他既話
但係我望極都唔見第十條有其他
出問卷前，或者可以自己做下，當自己係被訪者，睇下份問卷有無問題先出，或者可以好d
有d人見問卷唔方便，就真係唔同你做，咁樣你想做野都做唔到
不過anyway，學生會要繼續努力呀!!!
