美國人對IPO的理念，同香港人好不同．香港人認為抽新股是與眾同樂的嘉年華會，愈多人抽、愈熱鬧愈好；美國人認為，新股是很危險既野，一來沒有上市後的業績紀錄可供參考，二來也沒有過往股價走勢可以睇，三來管理層的誠信同能力也未經考驗，所以成個IPO制度，都係唔鼓勵新手入去玩的。

美國的IPO，散戶只可以經證券行間接?貨，不可以像香港咁，可以（用白表）直接認購。美國的IPO不會把所有認購申請group埋一齊抽簽，上市公司就咁把股份散俾證券行或者基金，咁就搞惦。至於證券行?到貨之後，點樣分俾客戶，就各司各法．不過，離不開兩條大原則：（１）大戶優先，（２）以往持貨時間長者優先．（３）開戶歷史長、股齡長既人優先

（１）同（３）好容易明白，（２）既意思即係話，如果有個客，上次?完新股之後，即日就沽出，下次唔駛旨意?到貨．證券行儘量安排長渣的客戶?到新股，否則的話，證券行本身下次都好難有生意做．

因此，美國的新股上市，並沒有長者排隊的盛大場面，也無需在華爾街日報賣幾十版中簽名單的通告（香港最近才取消登身份證名單的ｏｎ居做法），只有基金或者較資深的長線投資者才可入場。在CNBC入面，專家也沒有叫人首日升一成就止賺．

香港就唔係，一大班盲毛睇完傳媒吹水造勢之後，人抽佢又抽，淨係知抽新股必賺，第一日升左就快快趣沽，賺番一餐茶．近兩日係一些投資討論區，有人咁講：

抽工行賺梗既,係咪有人真係咁昂ｘ，睇完咁大本招股書先去諗抽唔抽（工行）呀？

（有人說工行不良貸款一直很高），即刻有人回覆，超，你咁叻，你咪唔好抽咯，我?埋你果份添呀

抽新股不是必賺的，例如長江生命科技之類，抽到便有排坐．不過，賺唔賺都好，整體香港市場都好唔健康，一間公司上市是想集資發展業務，買新股的人應該是看好這間公司的前景才長線投資，唔應該好像香港咁，成班盲毛諗住首日沽貨賺一餐茶．香港這種IPO制度，一定會吸引劣質公司在旺市的時候，混水摸魚上市兼呃錢，絕對唔係好事．

同埋，美國的制度對投資者亦均真好多．美國的做法，是上市前的一晚，證券行把股票轉往客戶名下，然後即時在戶口扣錢，不像香港般，把申請資金凍結了一個星期，讓上市公司白賺利息。而且係美國，股票到手之前，證券行會再問客戶是否真的要貨，客戶仲有得反悔，可以取消申請．香港唔係，果張飛入左自已間證券行到，還有機會抽番，到入左保薦人手上，就要涷結成個禮拜，係呢段時間股市大跌既話，風險要由股民承受。

仲有，美國的新股流程，是證券行決定了新股點分配俾客戶後，在上市前一天一手交錢，一手交貨，客戶分到幾多，就扣幾多錢，不會涷結大量資金，也沒有超額認購呢回事．這種做法，一來不會對銀行體系構成壓力，二來沒有「孖展認購」呢個事，沒有香港這樣重的投機氣氛

傻啦~~不可以這樣比既~
每一個地地都實有"盲毛"架啦, 但盲毛會唔會好似講得咁嚴重, 可以拖垮到整個市場呢? 每一隻IPO都有保薦行同有好多證劵分析, 傳媒都係根據呢D情報作報導, 所以傳媒都係有效資訊既一種, FUND DEALERS每日都係睇經濟日報, 信報呢D傳媒去買貨出貨, 每一個FUND TRADE都要有SUPPORTING EVIDENCE (如:newspappers cuttng)先可以做, 所以傳媒既報導都極具參考性

至於盲毛會唔會影響到整個市場, 我想講好簡單一隻基金認購IPO數量講緊既係幾佰萬至成仟萬美金.....等於幾多個盲毛呢??

買新股的人應該是看好這間公司的前景才長線投資~~~~`
只係因為.......中國係我地背後既問題吧!
中國銀行/工行/天津港呢d 咁大既,唔應該今日先上市!!
而且...........有可能某些人............ 賤賣資產..........

咁香港依家用緊果制度係參考邊度?