查看完整版本: 重要消息：普通話水平測試大全(上)模擬試卷6單字部分

重要消息：普通話水平測試大全(上)模擬試卷6單字部分

李老師上課個時話 「撒」字應該由să 改做 sā ，而本書後面既勘誤表都寫左。不過事實上「撒」字有兩個讀音，分別 sā 和 să。
當「撒」呢個字解作散佈既意思時要讀第三聲，e.g.撒種；鋪撒(作品30號)
當「撒」解作放開、發出、排泄時先讀第一聲，e.g.撒手、撒網、撒傳單、撒了氣、撒謊、撒嬌、撒潑、撒賴、撒野

如果考公開試既朋友要留意呀:L 唔好見到個「撒」字一定只係讀第一聲，因為之前我地學過「撒謊」呢個詞語，李老師唔想我地記咁多讀音而已，因為考試考單字時兩個讀音都無問題，但如果考試出在詞語部分就要知道個詞語既解釋先好決定讀邊個音喇:L

[[i] 本帖最後由 Kevin++ 於 2007-1-14 07:25 PM 編輯 [/i]]

感謝你對我們的提醒...
其實考水平試還有什麼地方要注意呢?

知道啦~~老師

謝謝你，請繼續指導

[quote]原帖由 [i]Ting2[/i] 於 2006-12-4 11:51 PM 發表
感謝你對我們的提醒...
其實考水平試還有什麼地方要注意呢? [/quote]

有幾點要注意:
第一，朗讀同說話部分先至係個考試最最最重要部分，因此點辛苦都要預備好30個說話題目及60篇文章，在朗讀方面唔可以讀得太快，因為佢有4分鐘時間，2分45秒至3分鐘讀完就最理想，記住考試係考朗讀，唔係背誦，因此讀起上來要有感情，語調唔可以生硬，在一句句子中要有適當既斷句，切忌重讀及斷斷續續，就算知道某個字讀錯都唔好番轉頭重讀，否則扣既分數比讀錯一個字更多。

第二，說話方面，記住係考說話，唔係考作文，用最簡單既字詞表達你說話題目既內容就得喇，e.g.人山人海 x -->很多人；避免使用一d外國人名作為說話內容既一部分，除非你好肯定個d e.g.碧咸-->貝克漢姆；比利-->貝利；考試時7分鐘內必須寫好提綱，否則趕唔切準備其他部分，因為得15分鐘準備；說話時要跟考官有眼神接觸，唔好3分鐘全程望住張紙，否則會扣分；諗唔到講咩野時，唔好不斷ng..ng.....，可以用「那怎麼說呢」代替就更加流暢啦；有d考生想拖延d時間會開頭講「兩位老師好，我今天說的題目是......」小心d條說話題目既讀音，e.g.「談談對環境保護的認識」第二個談字及識字係讀輕聲；「我的朋友」朋友係輕聲詞；「我嚮往的地方」地方係輕聲詞......

第三，判斷部分係考試送分既部分，雖然佔分少，但不可掉以輕心，2至3分鐘好揀定所有既答案，要注意d答案係用普通話讀出來，不可以答A B C......，小心讀答案時留意一、不變調、三聲連讀、輕聲詞、兒化等等，否則揀對答案但讀錯字都會被扣分。量詞部分更小心，留意「一」既變調，同埋好好溫量詞部分，因為d choices 唔係咁正路；小心量詞「場」，有2個讀音，cháng及chăng，氣候同官司先用cháng e.g.一場大雪、一場大雨、一場官司；其他cases就用chăng。

第四，讀單字及詞語部分好睇你的運氣，不過為減少傷亡，15分鐘預備個陣時，可以做d筆記，e.g.詞語部分將d輕聲詞、兒化詞及三聲連續既字作記號避免無辜讀錯，事實上單字及詞語部分如果發現自己讀錯可以重讀一次，答案以第2個為準，如果咁勁仲有時間剩先翻查本書找d唔識讀既單字、詞語既讀音。在HKU考的話有字典及實施綱要提供，CU就只有實施綱要提供，樹仁就要問下李老師喇。

第五，個人意見一收到份題目先從後面睇起，先準備說話題目部分，再做判斷部分(因為送分題目不應該失分)，之後再睇睇朗讀既部分，一樣三聲連讀、輕聲字、兒化字做註解，避免讀錯，最後先睇詞語及單字部分。

第六就係考試個日咩都唔好諗喇，因為一切已成定局，輕鬆面對考試表現就更好喇:L

[[i] 本帖最後由 Kevin++ 於 2006-12-5 10:19 PM 編輯 [/i]]

[quote]原帖由 [i]艾雲絲~[/i] 於 2006-12-5 12:45 AM 發表
知道啦~~老師 [/quote]
唔准再叫我老師:victory: 我好屎ga ja:victory:

[quote]原帖由 [i]Kevin++[/i] 於 2006-12-5 15:38 發表

唔准再叫我老師:victory: 我好屎ga ja:victory: [/quote]

如果你屎....

咁我地係咩???

:victory: :victory: :victory:

[quote]原帖由 [i]Kyan[/i] 於 2006-12-5 09:25 PM 發表


如果你屎....

咁我地係咩???

:victory: :victory: :victory: [/quote]
我只係早考過你地咋:victory: 所以先有d經驗分享下:victory:

[quote]原帖由 [i]Kyan[/i] 於 2006-12-5 09:25 PM 發表


如果你屎....

咁我地係咩???

:victory: :victory: :victory: [/quote]
佢果D叫屎
我地果D叫食屎