jove 2007-9-5 02:47 PM
7月的故事...
話說係我好細個(未上小學)時,我阿爺就過左身(我只係記得阿爺好錫我)
係搬入而家間屋之前一直都相安無事
但搬左入而家間屋後,第一日正式入伙就有隻金龜子(係係金黃色到咩咁....)飛左入我地屋企
咁我媽就講笑咁話阿爺黎睇下我地間屋....
之後就放左隻金龜子走,但佢一而再,再而三咁飛入屋.....
最後好似搞左好耐佢先肯走....
(但係我屋企並未因金龜子入屋而發達:sss54 )
過左兩,三年,我先同父母分房訓....
大約係同年左右,或者遲少少
我地將名爺個神主牌搬左黎而家既屋企
怪事就發生啦.....(唔洗驚,唔害人咖.....)
之後一直到而家
每年既農曆7月,總會有一隻飛蛾會飛入我個房度...
(一年365日中有364日都唔會有昆蟲入屋,曱甴另計....就只有一日會有....就係7月份...)
由於老人家話呢d係屋企過左身既人返黎睇你
所以我次次都會放走佢地
而且最奇怪既係....感覺上每年飛入屋既飛蛾都好似比之前一隻大隻左.....
今年又有飛蛾入屋...
最奇怪果個我房明明全日都冇開窗.....
完全唔明佢點入黎(當時亦冇開房門)
當晚我話比我母親大人知,佢即晚就夢到我阿爺........
都咪話唔信.....第二日就燒返注香過阿爺
之後就冇事嚕.....
年年都係咁.....
雖然唔得人驚
但都幾離奇下.....
[[i] 本帖最後由 jove 於 2007-9-5 02:59 PM 編輯 [/i]]