查看完整版本: 樹仁大學@會計學系

樹仁大學@會計學系

敢問各位樹仁會計系畢業生多不多做會計師?
會不會/曾否被某些臭串公司的人歧視?

我今年報讀了會計系的...

Pass到QP, 加三年工作經驗就可成為會計師∼
比人輸蝕的只是我們沒有intern~

升格後都未有intern嗎?
那麼, 若樹仁的畢業生想進入一些中型行eg. RSM, Horwath等是否很難(實際上)?

[quote]原帖由 [i]katrina_fiesta[/i] 於 2007-7-17 12:16 AM 發表 [url=http://www.hksyu.com/redirect.php?goto=findpost&pid=10337&ptid=1818][img]http://www.hksyu.com/images/common/back.gif[/img][/url]
Pass到QP, 加三年工作經驗就可成為會計師∼
比人輸蝕的只是我們沒有intern~ [/quote]
有的,我們有好多yr2 或以上的,己經去左會計師樓做緊intern !

其實......問心果句...
入唔入到firm 做,係睇你個人做化,你究竟有冇料........
唔關學校事!!!!!!!!!

[quote]原帖由 [i]Accounting[/i] 於 2007-7-17 09:11 AM 發表 [url=http://www.hksyu.com/redirect.php?goto=findpost&pid=10341&ptid=1818][img]http://www.hksyu.com/images/common/back.gif[/img][/url]
其實......問心果句...
入唔入到firm 做,係睇你個人做化,你究竟有冇料........
唔關學校事!!!!!!!!! [/quote]

不, 聽朋友說EDPK已經俾cu, ust同poly壟斷左, 講真話"唔關學校事"我就唔係好信...雖然我將會黎樹仁讀...
另外想問下入政府機構e.g. 稅務局, 前路可觀嗎?

係對樹仁咁無信心
咁你咪去cu,ust同poly讀lor~~

其實RICO語氣都有些沖
但卻說得很好
你報得樹仁
就不要煩這煩那
做不做到理想的那間公司
很多都是自己努力爭取的

正因為樹仁是一個大家庭
外面自己樹仁的師兄師姐是幫我們更多的
(我知道有一間firm只在樹仁招聘請summer, 成間firm都係樹仁人)
問題就係你自己接受不接受
自己會不會看不起自己

[quote]原帖由 [i]Darren@努力![/i] 於 2007-7-17 11:23 AM 發表 [url=http://www.hksyu.com/redirect.php?goto=findpost&pid=10346&ptid=1818][img]http://www.hksyu.com/images/common/back.gif[/img][/url]


不, 聽朋友說EDPK已經俾cu, ust同poly壟斷左, 講真話"唔關學校事"我就唔係好信...雖然我將會黎樹仁讀...
另外想問下入政府機構e.g. 稅務局, 前路可觀嗎? [/quote]

都係繼續問心果句...

你來讀樹仁acct ,應該唔會AL拎住幾條A 幾個B ,會考25分以上,

相反,UST ,poly acct ,既學生係個個都會拎住幾條A 幾個B ,會考25分以上............  

咁你認為你係老闆,你會較多請那一類型求職者? ? ?

你樹仁,同樣比到機會你去interview ,你interview 自己輸俾人... 你能怪學校嗎??

同學...  不要認為人地唔識欣賞你,反而應該看看自己有幾多料子。

########################################

但同樣歡迎你加入樹仁大家庭~:time:

I want to know more about is it good to work in government  (related with acc )

繼續問心果句...
樹仁一樣有人入到big4(pc仲好自豪咁話多得佢推薦d人去in....)
hku,cu,ust一樣有人廢廢地,因為佢地係死讀書,讀死書既人,我地唔係
若然你都係信唔過樹仁,不如你就去社會大學浸下先囉
攞返d exp.再自己考cap,acca既試囉
不過條路肯定難行過讀書囉

[quote]原帖由 [i]Rico[/i] 於 2007-7-17 12:48 PM 發表 [url=http://www.hksyu.com/redirect.php?goto=findpost&pid=10348&ptid=1818][img]http://www.hksyu.com/images/common/back.gif[/img][/url]
係對樹仁咁無信心
咁你咪去cu,ust同poly讀lor~~ [/quote]
唔好咁啦∼問下姐，　我又唔係勁
要讀四年同見會計呢行都幾注重成績呢ｄ，　所以想知多ｄ姐∼
對唔住丫大佬！！

同學~~~
我唔係話咩
但既然你都決定來樹仁讀
你就要相信樹仁比到你需要的東西你
四年不是一段短的時間
如果你抱這不信任的心態
你這四年將過得行屍走肉
日後出來都會對自己的學歷缺乏自信
如果連自己都咁諗
外人同你將來老闆又會點諗呢
同學
別擔心太多了
一起努力吧!!

好的^^
[quote]原帖由 [i]Rico[/i] 於 2007-7-19 09:17 AM 發表 [url=http://www.hksyu.com/redirect.php?goto=findpost&pid=10421&ptid=1818][img]http://www.hksyu.com/images/common/back.gif[/img][/url]
同學~~~
我唔係話咩
但既然你都決定來樹仁讀
你就要相信樹仁比到你需要的東西你
四年不是一段短的時間
如果你抱這不信任的心態
你這四年將過得行屍走肉
日後出來都會對自己的學歷缺乏自信
如果連自己都 ... [/quote]

成日都會遇到學弟/妹，或者想入樹仁的人問一個問題
「讀樹仁入唔入到四大 或 2nd tier ga?」

答案係：可以!

四大：
有識的唔止「樹仁」的可以入到四大，「ive high dip + top up degree + 考晒試 」的人都入到四大
入四大首要條件：成績好! 面試表現好!
呢d 要靠自己努力啦!
不過，雖然話樹仁入到四大，但係比起其他正牌大學(如：中大、理大、科大)入到四大既人數同比例都少得可憐.......


2nd tier：

我現在正在2nd tier 工作

講下我心路歷程先

我成績唔係叻，無1st hon亦無2nd up
但係我勝在有責任感，做事認真
人地要學一個月既野，我就盡量用更加短既時間去take up
我學得比人快的主要原因係，我做得夠快同埋真係用心去做
唔似d 人覺唔夠時間走去放飛機
因為咁得到別人的信任，從而學到更加多既野

我一畢業就去細local 做
做左一年(至少一年)，做到裡面已經無野學到
我就轉去另一間比大小小既local
做d 比以前更加大既job，要返大陸
跟住用我一貫以黎既作風，做野做到有咁快得咁快，快到人地要比d 唔應該係jun 跟既野比你做
你就可以學到更加多既野

o係短短半年之內，由只係可以負責做大job (十萬以上job) 的 transaction test
到人地信我做得夠快夠好，然後比埋d liabilities & 廠的stock，直至自己一個handle 大陸一間廠既audit
學到點樣check到d 大陸人出古惑
學到點樣執香港d 爛到爆既爛job
學到點樣maintain auditor 應有的 integrity

憑著第二間local 比較多大陸job 的驗，每當我面試時同人講我返過大陸
d 2nd tier 都好impressive (我唔止in過一間2nd tier)
因為佢地正正需要人返大陸


總括來說，我個人認為做核數，剛畢業時的gpa 十分重要，因為第一份工既僱主只能從你的gpa 來判斷你的工作能力
但係，做多1-2年之後，成績已經變得次要，反而工作態度同經驗反而更重要

故此，特在此勸勉，各位知道自己成績唔突出的學弟/妹
1) 第時出黎打工果陣，做野落力d、醒目d、跟緊d，有唔識記住問，盡量o係初入行時學多d 野
因為你所學到的將是你將來入 四大 或 中型firm 的踏腳石。

2)若果入local 的話，盡量o係local 時考晒qp ，因為四大同 2nd tier 都好忙~未必有時間比你溫書

3)四大 or 2nd tier 9成都要返大陸。你唔肯返大陸~ 佢地唔會請你~ 做audit 係辛苦ga la! 挨唔住就算吧啦!
我試過連續3個月都o係內地~中間可能只有1-2日o係香港，跟住又返上去(其實3個月算少~我有朋友係7-8個月o係內地)
工作星期一至日，無休假，工時由朝九晚十二，甚至可能到凌晨1-2點 or 連續通頂一星期都有
若果你認為你挨唔住，或者你唔想你的青春浪費於此的話，我的建議係keep 住做local or 轉做account吧！

4)電腦堂時學excel 時記住專心d，因為做audit 最常用既就係excel，熟excel 做野可以快好多!

5)練好d 英文、普通話，因為呢兩方面得的話，interview 係有優勢
(我讀樹仁果陣......英文得c........出黎做第一份工後先知道英文有幾咁重要，所以走左去睇英文小說，睇英文劇(唔睇字幕)，慢慢咁練左一年，練到我而家可以fluent 地跟外國人對答，in 2nd 成功，我相信我呢d 努力都係其中一個原因)

最後，祝各位好運!

[[i] 本帖最後由 ccwincc 於 2007-7-30 11:51 PM 編輯 [/i]]

師兄/姐~~
多謝你寶貴的分享
請問你是那年畢業ga??
同埋我想問吓做細firm係唔係都係約一年左右就最好轉吓工呢??

[quote]原帖由 [i]Rico[/i] 於 2007-7-31 07:45 PM 發表 [url=http://www.hksyu.com/redirect.php?goto=findpost&pid=10861&ptid=1818][img]http://www.hksyu.com/images/common/back.gif[/img][/url]
師兄/姐~~
多謝你寶貴的分享
請問你是那年畢業ga??
同埋我想問吓做細firm係唔係都係約一年左右就最好轉吓工呢?? [/quote]

若果你有聽過香港會計師公會的講座，或者去過公會網頁睇過"認可經驗"呢樣野
你就會明點解做local or 2nd tier or big 4 都好，最少要做夠一年
因為未滿一年既經驗，會計師公會唔承認

曾經聽過某2nd tier 的例子係，因為某人工作態度太惡劣，所以o係呢個人做左11個月零26日時炒左佢=-=""
佢既經驗因為未滿一年，所以就算簽左，公會都唔會認可

講開「認可經驗」，我就繼續詳解下去
即使你考晒 qp 5張卷，但係無認可經驗的話，你都拿唔到會計師牌

「認可經驗」取得方法係
在工作滿一年後獲得「Authorised employer/ superviser」簽署工作認證
公會有一個位~ 可以check 晒全香港的Authorised employer/ superviser的名
到你地第時搵工，想睇下d 經驗是否認可，可以上去check 下比offer 你間公司個名有無登記在會計師公會網頁上
不過而家會計師樓差唔多間間都係「Authorised employer」
做會計的比較麻煩，我一畢業試過入上巿公司做會計(其實本人鍾意會計多d，但為了認可經驗，好無奈地去會計師樓做)
我入去果陣真係估唔到連上巿公司都搵唔到個有資格既人幫你簽認可經驗囉=-=""
以我所知I.T. Limited, Esprit呢兩間有朋友入過去，都係搵唔到人簽經驗ga......

搵唔到人簽經驗其實可以向公會申請，叫公會特別安排一位公司外的「Authorised employer/ superviser」，但係呢個方法好似比較麻煩.....


考qp 拿牌基本要則：
3年認可核數經驗，加考晒==> cpa(practising)  另外再加多1 年認可核數經驗，再申請，可簽Auditor report (p.s 其實重有幾關要過先簽到report，但暫時不詳述)
5年認可會計經驗，加考晒==> cpa 不可簽 Auditor's report


答返你個問題：

視乎你入咩size 公司
若果有50人以上，你做夠2年，再轉入2nd tier
若果50人以下，睇下間公司會唔會做大陸job，無得北上，頂盡做一年好走去搵d 大d 要返大陸既公司
若果你咁有幸入到2nd tier，做1年，考4張卷，再apply big4，佢會考慮你的機會較大



題外話：現時delxxxx 某 Partner 正是我們以前的學兄~
呢首現役partner 話：「若果見到同校學弟妹想入佢 Dept佢會優先考慮」

讀樹仁其實都唔係好似外面講咁無用ga~ 你睇我地學兄做到big 4 partner 就知我地都唔差ga!
(p.s. pc 無教過呢位學兄喎~ 另外，嘜pc 有叫人in big 4 咩? 我剩係聽過林sir 講呢句話咋喎~ 可能pc 講果句果陣我已經離開左樹仁吧?)